poli-dicht (politischi gedicht mitts ins gsicht)

28 ... WHAT?

Das poli-dicht wird kurz,

willi grad nid vill cha sage zu däm Furz.

Also öbbis z sage hätti zwar scho,

aber momentan erholi mi vo däm Schock no.

Verhandlet vom Putin und Trump hinter verschlossene Türe,

mit emene ganz gschide Plan chömes jetzt hintefüre.

De Selenski stoht jetzt mächtig unter Druck,

aber ei mol Diktatfriede, nochher gits kei Zrugg.

Wo Russland am 24.2.2022 d Ukraine het agriffe,

ha ich für ei Momänt d Wält nüm begriffe.

Ha mi erinneret an die finnischi Gschicht,

öbbis, wo mir als Finnin immerno mis Härz bricht.

1940 im Moskauer "Friedensvertrag" (!) het d Sowjetunion Finnland bedrängt,

und mehr als unfairi Bedingige verhängt.

Zerscht bedrohe, annektiere und denn verlange,

so viel Johr sind sithär noni vergange.

E guets Ändi für das poli-dicht findi grad nid,

wills für so Begäbeheite kei guets Ändi git.