poli-dicht (politischi gedicht mitts ins gsicht)

Generalversammlig

Letschtens isch in NY UNO-Generalversammlig gsi,

do het de Trump dänkt, chum, do gangi au hi.

Er het ghörig usteilt und Unrueh verbreitet

und em Guterres und vielne andere grossi Sorge bereitet.

Au no wäg de Rollträppe, emene Teaser und was au immer,

am Ändi sogar gege sini eigene Lüt, das machts irgendwie nur no schlimmer.

Zwäcks Rueh und Friede isch die UNO damals entstande,

das hän einigi leider immer noni verstande.

Polteret de eint ume wäg somne Scheiss,

meanwhile laufe uf de ganze Wält d Waffefabrike heiss.

De Krieg seig e Versage vo dr Menschlichkeit, so de finnisch Präsidänt,

währenddesse riebe sich d Kriegstrieber und -profiteure kräftig d Händ.

All die Kohle, wos jetzt chöne mache,

losst sie luthals über die Wältverbesserer lache.

Und gemäss Klimawandel-Kritik isch Kohle jo jetz wieder in,

schad, chunt däne Herrschende nid mol öbbis Gschiders in Sinn.